News
Hesch Interässe unseri Juniore witter z bringe, fordere und vorallem fördere, sodass mr si zumene spötere Zyttpunggt in die ersti Mannschaft könne bringe? Denn mäld di via DM oder uf dr Mailadrässe wo uffem Flyer stoht!🖤🤍
Am 2. April isch unsere Fründ und eine vo de treuste FCMler dr Jimmy Strittmatter, im Alter vo 87, friedlich igschloofe🕯️ E treue Begleiter wo in all dene Joor immer awäsend gsi isch, ob am Grill, an de Ufstiigsfestli oder dört wo är am liebste gsi isch - am Spielfäldrand miteme Stümpli zum d Mätch uf sinere gliebte AU verfolge! Du wirdsch immer e speziells Plätzli in unserne Härze ha liebe Jimmy und mir wärde dini Awäseheit uff dr AU vermisse! Gueti Reis liebe Jimmy🖤🤍 Unsers härzliggste Biileid and Familie!
Spieldaag 3 - Emil Frey Wintercup
Dr dritti und somit letzti Gruppespieldaag ändet mit 20 Gol! Die ersti Partie isch ufgrund vo z viel abwäseheite mit 3-0 Forfait gwärtet worde. Im Aschluss hett dr FC Lause dr FC Wälscherohr mit 5-2 gschlaage. Dr FC Fislisbach hett gege die stark uffspielende Dornacher miteme 4-2 Sieg für e Überraschig gsorgt und dr SC Münchestei hett sich gege dr FC Zwinge mit 1-3 miesse gschlaage geh! Ufgrund vomene Rückzug vom FC Wälscherohr wird dr FC Zwinge mitm FC Ettige am Finaldaag e Selection stelle - Viele Dangg an dr FC Zwinge fürs entgegekoo!
D Final-/Platzierigsspiel sehn wie folgt us:
Spiel um Platz 5&6:
12:00h SC Münchenstein vs FC Ettingen
Spiel um Platz 3&4:
14:30h Fc Münchenstein vs FC Welschenrohr
Final:
17:00h FC Lausen vs SC Dornach
Spieldaag 2 - Emil Frey Wintercup
Au dr zweiti Spieldaag hett einiges an Goals glieferet - sage und schreibe 41 an dr Azahl - und doch für die einti oder anderi Überraschig gsorgt!
Nachdäm letzt Wucheänd no gfroogt worde isch ob me Yyshockey oder Fuessball spielt hän sich das Wucheänd kuriosi Szene nachem letzte Match abgspielt - Divärsi Münchestainer Iwohner sin gsichtet worde miteme Meter uffe Platz stürme zum d Goals abmässe!
In dr hoffnig, dass s Schiesspulver nach zwei Spieldääg noni komplett uffbrucht worde isch, bligge mir gspannt uff dr 3. Spieldaag und wünsche de Mannschafte witterhin viel Erfolg und e verletzigsfreii Vorbereitig!
Glungene Start in Wintercup
Dr ersti Spieldaag hett bereits einiges an Emotione und Goals glieferet - 4 Mätch und 30 Goal wo bi de Zueschauer für Unterhaltig pur gsorgt hän. In divärse Whatsappchats isch gfrogt worde ob Yyshockey gspielt worde isch oder Fuessball! Fakt isch dr ersti Spieldaag verspricht einiges für die kommende Mätch an de näggste Wucheeänd!
Mir bligge gspannt uff die wittere Mätch und wünsche de Mannschafte witterhin viel Erfolg und e verletzigsfreii Vorbereitig!
Startschuss Emil Frey Wintercup 2026
Am Samstig 24.01.2026 starte mir in die zweit Usgoob vo unserem Wintercup - s'erste Mol unterem Patronatssponsor Emil Frey!
Dr Ball zum rolle bringt die ersti Mannschaft gege dr FC Fislisbach am 12.00h - Im Aschluss finde folgendi Partie statt:
14.30h FC Zwingen - FC Lausen
17.00h SC Dornach - FC Ettingen
19.30h SC Münchenstein - FC Welschenrohr
Mir bedangge uns bi allne Sponsore wo uns tatkräftig und grosszügig unterstütze und dä Event überhaupt möglich mache!
Do findisch alli wittere Infos zum Turnier
Mir bligge gspannt uff die diesjöörigi Usgob und wünsche allne Mannschafte e erfolgriichs Turnier und e verletzigsfreii Vorbereitig ind Rückrundi!
„Wiehnachtsmärt 2025“
E joor ischs här wo mr am Wiehnachtsmäärt z Münggestai unsere Stand gha hän und die hungrige Gäst - wo mittlerwiile zum Teil scho treui Stammkunde worde sin - mit unserem Raclette und em Hotdog
Deluxe FCM Edition hän dörfe verpflääge! Bi dr diesjöörige Usgob vom Wiehnachtsmärt hän mr wieder mit unserne motivierte A Juniore und ere top Organisation vo de beide Trainer Fredy & Jérôme
könne brilliere und bi dene kalte Temperature dr perfekti Stop für d Bsuecher könne biete! Im einte oder andere Gspröch hän mr sehr positivi Rückmäldig und vorallem e enormi Wärtschätzig vo de
Münggestainer Bewohner becho! Mir möchte uns bi allne Bsuecher bedangge, bi de A Juniore wo wie jedes Joor fantastischi Arbet gleistet hän und allne voraa bim Fredy und Jérôme wo eimol meh e
iwandfreii Organisation an Daag gleggt hän und zämme mit Ihrne Juniore dr FCM in dr Gmeind verträtte hän!🖤🤍
"Emil Frey Days"
D Emil Frey Days sin verbi - Mir bedangge uns bi allne Hälfer wo an beide Dääg im Isatz gstande sin und dr FC Münchestei verträtte hän! E speziells Danggschön gilt unserne Vorstandsmitglieder (Edu Guillen und Liza Savic) wo an beide Dääg vor Ort gsi sin und das ganze vom feinsten gmanaged hän!
"Emil Frey Days"
Am Samstig 18.10 und Sunntig 19.10 findisch uns bi dr Emil Frey am Dreispitz! Mir bewirtschafte e Grill und hän e Torwand wo de di gärn mit de Spieler vo dr erste und zweite Mannschaft kasch mässe! Mir bedangge uns härzliggst für d Ilaadig bi dr Emil Frey, wo dr Hauptsponsor für unseri Trainerusrüstig und em Emil Frey Wintercup isch und freue uns uf zwei tolli Dääg!
"Primeo Mönchscup 2025"
Ab sofort findest du über die Primeo Mönchscup Kategorie sämtliche Informationen sowie das Anmeldeformular, Zahlungsinformationen und das aktuelle Teilnehmerfeld für die diesjährige Ausgabe.
Sobald alle Kategorien ausgebucht und der Spielplan erstellt wurde kannst du diesen über einen separaten Reiter anschauen/downloaden.
"Pflicht Trainingsset Junioren"
Hier gelangst du zur Vereinskollektion und dem Pflicht-Trainingsset der Junioren.
Um die Artikel zu bestellen/anzuprobieren, bitten wir euch direkt zu Piserchia Sport St. Jakob zu gehen.
"News zum Clubhüüsli"
Lange hat die Suche gedauert doch nun können wir voller Vorfreude mitteilen, dass wir per sofort wieder in unser geliebtes "Hüttli" können. Wir begrüssen das Wirtenpaar Tatiane und Diego Carvalho herzlichst in unserer FCM Familie und freuen uns auf die kommenden Jahre!
Öffnungszeiten und Angebot werden in den nächsten Monaten bekannt gegeben.
"Termine 2025/2026"
Alle offizielle Termine für das Vereinsjahr 2025/2026 wurden definiert und sind HIER ersichtlich! Wir blicken gespannt auf alle Events und freuen uns diese mit euch zu erleben!
Für unsere Juniorenabteilung suchen wir für folgende Kategorien Trainer - E / F / G - Junioren - Bei Interesse bitten wir dich mit uns via Kontaktformular in Verbindung zu setzen.
Wir planen auch eine Mädchenmannschaft zu "eröffnen" - Falls du jemanden kennst (Jahrgang 2012-2015) oder selber interesse hast melde dich via Kontaktformular
"Neue Kollektion FCM"
Ab sofort kannst du die neue Kollektion bei Piserchia Sport bestellen - Die Preise zu den verschiedenen Sets findest du hier